O le taimi pisi i le mānava o galuega ananafi na poloka atoa ai le auala ina ua lavetolu le lavevea o ni taavale i le Harbour Bridge i Aukilani.
Sa faatuai ai foi feoa’iga a i latou o loo faaaogāina lena faaitu auala mo le aga’i atu i aiga auā na poloka ai le northbound lane, ae na toe kilia lava le auala mulimuli ane.
Na toe faaui ese atu ai taavale aga’i atu i le Port Link ma le Southern Motorways
E tolu taavale na lavevea faatasi, ae lipotia mai e leai se tasi na faamanu’alia vaganā taavale na faaleagaina.
O le lona lua ai lea o faalavelave tau taavale na tupu ai i le harbour bridge i le aso ananafi, ina ua feto’ai foi se taavale ma se uilaafi i le faai’ui’uga o le auala laupapa i le tusa o le ‘afa o le 12 i le aoauli.
O loo aumaia pea le lapata’iga a le pulega o auala o feoa’iga NZTA faapea le matāgaluega o leoleo, i le mamalu o le atunuu ina ia mataalia a o aveina le taavale aemaise lava i taimi pisi o le auala, ina ia ‘alofia ai foi ni faalavelave tugā e ono tula’i mai ma faatuai ai feoa’iga a le mamalu o le atunuu, aemaise le ma’umau ai o soifua.
Puna o Faamatalaga: https://www.nzherald.co.nz/nz/multiple-cars-in-crash-on-auckland-harbour-bridge/3W7VYY6AKMHO4RDYY2IK7MZFGI/
