Ua poloa’ia e le Tenancy Tribunal le landlord e totogi le $3,400 i se tagata mautotogi ona o le matuā leagafaia o se fale sa mautotogi ai i Timaru.
O le i’uga lena o se su’esu’ega na faia i se tasi o fale mautotogi i Timaru, ma iloa ai le ogaoga o le faaletonu o lea fale ma ta’ua ai e matuā lē talafeagai mo le nofo ai ma le tausia ane ai o se tamaitiiti.
Ta’ua i le lipoti e fa’i o le pologā o vaega eseese o le fale, e iai pū pū i le fola, o le falelēta’ua e mama le paipa e alu ese ai le vai leaga ma alu ane ai le mrlogi leaga, o nisi na mai le tele o vaega faaletonu sa iai lenei fale.
Ona o nei faaletonu i le fale, na toetoe atoa le tolu masina e le’i toe totogia e le tagata mautotogi se rent ona o lona tetee, se’ia oo lava ina ia molitūina le tagata e ana le fale i le faamasinoga mo ia matāupu tau mautotogi, le Tenancy Tribunal.
Na faatonu e le tribunal lea tagata e toe totogi le tupe sa aitalafu ai i lana rent ae ua faapa’ū i lalo le rent, ae na tauia foi lenei tagata mautotogi e silia ma le $7000 se compensation na faatonuina e totogi atu ia te ia.
O lea fale sa nonofo ai lenei tamā ma lona atalii e 12 tausaga le matua, ma na ia ta’ua i le NZME, e fiu e solo le susū ma mea ua legalegā ma pologā o le faleta’ele ae le’i taofia ai le toe aliali mai pea.
Puna o Faamatalaga: https://www.rnz.co.nz/news/national/570918/tenancy-tribunal-orders-landlord-to-pay-tenant-3400-for-appalling-timaru-rental
