Ua tuta i Singapore le vaa mai Peretania ua ta’ua i le BBC o le a valaau ai ia Ausetalia, Iapani, ma Korea e auai ai i ni faata’ita’iga faavaomalo.
O le vaa o le HMS Prince of Wales ua aga’i ane i lea faaitu o le Pasefika i le mae’a o faata’ita’iga a vaalele e lua mai Saina sa faia i lea faaitu ma faaleo ai se tetee mai Iapani.
Saunoa le ta’ita’i o le auvaa, James Blackmore e na te lē o manatu e ono iai se feteena’iga ma vaega’au mai Saina auā o loo iai aiā tatau a le UK faapea foi ma Saina e uia ai e ana vaa lea ogasami faavaomalo.
Na ia faailoa foi i le BBC atonu e ono manana’o e o ane e matamata i faata’ita’iga o loo fuafua e faia ma o le a faatinoina foi i se tulaga saogalemu ma faapolofesa.
O le vaiaso na te’a nei na faitioina ai e Saina se isi vaatau mai Peretania le HMS Spey lea na ui ane i le Taiwan Strait, fai mai Saina o se gaioiga e foliga e taufaaosooso ma lamatia ai le nofo filemu.
Puna o Faamatalaga: https://www.bbc.com/news/articles/cx2gp07yqnjo
