O le vaiaso nei ua pu’e ai e leoleo a Peretania ni tagata se to’atolu e masalomia o loo sipai mo Lusia.
O i latou ia e 41 tausaga o le isi, 46 le isi alii ma le tama’ita’i e 35 tausaga, na pu’eina uma i latou ia ona o masaloga o loo fesoasoani i auaunaga faavaomalo i le faaitu i Mātū i Sasa’e o Lonetona.
Fai mai o se su’esu’ega sa faagasolo i tulaga tau faatupu faalavelave o loo masalomia ma ave atu ai loa i latou i le ofisa o leoleo i Lonetona.
Na faia su’esu’ega a leoleo i nofoaga e lua na pu’eina mai ai i latou ia ma ua toe tatala i tua ma aiaiga a o faagasolo pea le su’esu’ega.
Ua fai lava si aafia o sootaga o Lusia ma le UK i le taimi nei talu mai lava le osofa’iga e Moscow o Ukraine.
O le Aso Lulu o le vaiaso nei na tuua’ia ai e le atunuu o Lithuania Lusia i le faalavelave na faaleagaina pe pā pā ai nisi o afifi sa kiliva e le DHL ma le DPD i Europa i le 2024 , fai mai o se faata’ita’iga lea o a latou fuafuaga e faapā ai vaega e iai uta o faigāmalaga e aga’i mo Amerika.
O loo faaauau la le su’esu’ega i le ‘au sipai lea e masalomia o loo faigaluega mo Lusia.
Puna o Faamatalaga: https://edition.cnn.com/2025/09/18/europe/three-arrested-essex-russia-intelligence-intl
