Ua faamatuu mai faalaua’itele se faamatalaga mai le aigatupu a Peretania ua faailoa ai o loo tumau pea le tupe mai le malo i le 86.3 miliona pauni e tusa lea ma le 118.5 miliona.

O lea vaegatupe e faaigoa o le Sovereign Grant e faatupe ai le faatumauina pea o le lelei o le nofoaga o le aigatupe ma e faatupe mai e le ‘autotogi lafoga a Peretania.

Ua ta’ua e toe faafoi uma foi e le aigatupu polofiti poo tupe maua ane mai le Crown Estate i le malo e pei ona sau a’i lea fetuuna’iga talu mai le 1760.

O le Sovereign Grant la e faatupe ai meafai uma a le aigatupu e aofia ai ma tiute faitele ma faigāmalaga.

Fai mai o le taimi nei o loo iai se poloketi tele o loo faatautaia i Buckingham Palace o se nofoaga e aupito to’atele tulisi e aga’i iai i le ogatotonu o Lonetona ma o le a faaleleia ai le tele o mea i totonu o lea nofoaga.

Puna o Faamatalaga: https://edition.cnn.com/2025/06/30/europe/uk-royal-family-sovereign-grant-latam-intl