Ua faia mai se malelega mai le Tupu o Salesa i le tatalaina o le Palemene o Kanata i le vaiaso nei ma ua faataatia ane ai mea e ao ona ave iai le faamuamua a le alii Palemia o Mark Carney lea na mālō lana vaega faaupufai i le palota faato’ā mavae atu a Kanata.
O le Tupu o Salesa o le faaao lea o le atunuu o Kanata, na ia ta’ua o mafutaga faapaaga e aofia ai ma le Iunaite Setete, ua suia ma ia faatāua ai le tuto’atasi o ia atunuu e lua.
Na mātele le saunoaga a Tupu Salesa i le agaga mitamita ma le faamalieina i le vaaia o tagata Kanata ua o ane faatasi ma faaalia uiga lotonuu ma le mitamita.
O le lauga a Salesa sa aga’i sa’o lava i faiga faavae faalotoifale i Kanata ua mae’a faatulaga ane e Carney ma lana vaega faaupufai ma ua faailoa foi e le faigamalo o le a faalauiloa tulafono i le aso 1 o Iulai e aveesea ai nisi o papuipui sa iai i fefaataua’iga i totonu lava o le atunuu.
Puna o Faamatalaga: https://www.bbc.com/news/articles/c93lx42r42do
