Ua ioe le Malo o Peretania o le a o latou totogi ane le lata i le 4 miliona i le faitau afe o i latou na aafia i se afi na sasao ane i se nofoaga i Kenya sa faia ai toleniga a le fitafita a Peretania.
Lipotia e le CNN ua faia lea maliega i le mae’a o se taimi umi sa ave ai i le tulafono e nisi o le komiuniti lea sa aafia i lea afi i le 2021.
Fai mai le lipoti e lē gata ina aafia ai fale ae o le faaleagaina foi o le si’osi’omaga atoa ma le mau a nisi ua iai o latou aiga ua maliliu ona o aafiaga lava i manu’aga mai lea afi na aafia ai le silia ma le 10 afe eka o se nofoaga faasao sa faia ai toleniga a fitafita.
E ui foi la o lea ua malilie Peretania e totogi ane lea vaegatupe ae ua faailoa foi i le lipoti le lē fiafia o nisi sa aveina le matāupu i le tulafono, fai mai ua la’itiiti tele tupe latou te maua ma ua fuafua nei foi ma ni a latou solo tetee.
Puna o Faamatalaga: https://edition.cnn.com/2025/08/21/africa/british-troops-kenya-fire-settlement-latam-intl
