Ua taunuu i Ottawa i Kanata le Tupu o Peretania o Salesa III mo sana malaga asiasi.
Fai mai lipoti o le faia pea o faamatalaga a Trump e faatatau i le ono ave faamalosia o Kanata e avea ma se isi vaega o Amerika, ua valaaulia ai e le Palemia o Kanata, Mark Carney le Tupu o Salesa e faia sana saunoaga mai lona nofoalii e faataoto ane ai fuafuaga a le faigamalo mo le Palemene fou.
E pei lava o Ausetalia o le Tupu o Peretania o le faauluuluga lea, e faapea foi i Kanata, o se tasi foi sui o Malo o le Taupulega.
Faailoa la e le Palemia o Kanata o la’ua ma le Kovana Sili o le atunuu o le a faafeiloa’ia le Tupu o Salesa ma lana Masiofo faapea ma le latou aumalaga.
Ua faailoa foi se finagalo o le Kovana Sili, o le asiasi ane o le Tupu ma lana Masiofo e maua ai le avanoa e toe tōmanatu ai i o latou tagata ma toe faamanatu ai o latou tupu’aga.
Puna o Faamatalaga: https://www.9news.com.au/world/king-charles-canada-visit-charles-iiis-visit-to-canada-underscores-its-sovereignty-to-trump/41853cdb-da0a-49aa-a43c-cb977b999899
