E tulaga ese se faalavelave na tulai mai I Sini Ausetalia nei ua lipotia ai le pau ane o se alii mai le faataumata o se apartment ao ia siiina se pepe teine e nao le 18 masina le matua.

Ua lipotia e le 7news o loo manua mitimiti le pepe I lona ulu ma o loo taofia I le falemai ae o le alii o loo afaina lona vae ma pe a male 4 mita na pau ane ai. O le poloka o units I Conder St I Burwood lea na tupu ai le faalavelave I le tea laititi o le afa o le valu ile taeao ananafi.

Auina atu le na aafia ile falemai I Westmead ae o le pepe na togafitia I le falemai o tamaiti ma ua lipotia mai o loo ise tulaga lelei. Vaaia I ata mai le ch 7 le tina o le pepe o loo I tua o le taavale ale falemai mae o nisi na molimauina lea faalavelave nao latou taua e uiga ese sea vaaiga ma le faafefe tagata.

Ua faaauau suesuega a leoleo I le faalavelave