Ua pasia e le Senate a Ausetalia le sā e faasā ai fanau e i lalo o le ta’i 16 tausaga mai le social media, ma afai ae aloa’ia o lona uiga o se ulua’i tulafono lea i le lalolagi.

O lenei tulafono foi o le a aafia ai le faaaogā o le TikTok, Facebook, Snapchat, Reddit, X ma le Instagram.

Ua sau ai ma le faasalaga e faapea e oo atu i le $50 miliona poo le tusa lea ma le $55 miliona tupe Niu Sila.

O le pasia ai e le Senate o lea pili, e 34 i le 19 palota na pasia ai loa foi e le maota.

A o faasolo ai pea lava le faatalanoaina o lenei pili, o le a tuu mai le tasi tausaga i platforms eseese ua ta’ua e faatapena ai a o le’i faamalosia le tulafono.

Na tali mai ai le Meta lea e onaina le Facebook ma le Instagram, o se tulafono ua faanatinati.

O le asō e toe talanoaina ai lenei pili e le maota, ma a o mafuli ai le lagolago a le to’atele o faipule, o loo iai foi ma le popolega o nisi i le faasala atu ai ma fanau e faia ma le le’i mafaufauina.

Puna o Faamatalaga: Children under 16 to be banned from social media after Australian Senate passes world-first laws | RNZ News