A o galulue le matāgaluega o le tupe a le malo e faataoto le faasoasoaina o tupe mai le ata faata’ita’i o le tala o le tupe ua pasia e le Kapeneta o le malo tausi, ua faailoa e le tama’ita’i Palemia o lea tala faata’ita’i o le tupe ua faaaogā ai le vaega 95 o le tulafono faavae.

Ua fuafua ai e tusa ma le 250 miliona tālā o le a faasoasoa i le kuata o le tausaga faaletupe ua faagasolo poo le 3 masina muamua e amata atu i le masina lenei o Iulai se’ia pā’ia le faai’uga o le masina o Aokuso lea e faatino ai le faigāpalota tele.

E pei ona silafia ua mafua lea faatatau a le malo tausi ona ua leai se tala o le tupe masani ona sa teena e le Palemene le fuafuaga tau tupe sa tuuina atu i le faai’uga o le masina o Me.

Le afioga Fiame Naomi Mata’afa o le Palemia o le malo tausi.