Ua una’ia e le minisita o le va i fafo a Niu Sila, Winston Peters atunuu o le Pasefika ina ia tutū faatasi o se itulagi e faasagatau atu i malosi’aga mai fafo o loo sa’ili e faaoso ma faaaogā malosi’aga e faatino ai mea.

O loo iai nei i Farani le alii minisita i ni fonotaga o loo faia a ta’ita’i o le lalolagi e aofia ai ma le fonotaga lona 6 a le Pacific-France Summit o loo talimalo ai le Peresetene o Farani, Emmanuel Macron.

Fai mai Peters e amana’ia e Niu Sila le lagolago mai pea o Farani i le Pasefika ma lona sao foi aemaise lava i atumotu e pei o le Atu Polenisia, Niu Kaletonia ma Wallis ma Futuna aemaise foi o fesoasoani i taimi o faalavelave faalenatura tutupu faafuase’i.A o iai la i Farani le alii minisita o le a auai ai foi i fonotaga ma ta’ita’i o isi atunuu e pei o Chile, Farani, Niue, Palau, Samoa, Singapore, UK ma Vietnam i matāupu e faatatau i le vasa e faafoeina e Malo Aufaatasi. 

Puna o Faamatalaga: https://www.rnz.co.nz/news/top/563748/pacific-nations-urged-to-stand-together-as-a-region-against-external-forces