E teena e pule o le Moana Pasefika le iai o ni tupe mai le public funding poo faaputugatupe lautele, ua alu i le Super Rugby.
Lipotia e le RNZ ua faia nei se su’esu’ega tuto’atasi a le Te Puni Kokiri i le faaaogāina le talafeagai o faaputugatupe lautele sa tuuina mo auaunaga a le Whanau Ora Commissioning Services.
O lea su’esu’ega tuto’atasi e faatatau i tuua’iga i le faaaogā lē talafeagai o tupe e ofisa e lua, le Te Pou Matakana Ltd poo le Whanau Ora Commissioning Agency ma le Pasifika Futures Limited.
Ua ta’ua i le lipoti le feta’ua’ina o le maua ai foi e le Moana Pasifika o se fesoasoani mai le Whanau Ora.
O le Pasifika Medical Association Group (PMA) lea na faatauina le Franchise i le tausaga na te’a nei ua faailoa e ono lusi le konekarate lea ma le Whanau Ora tauala i le totino o le Pasifika Futures peita’i ua saunoa le ta’ita’ifono o le PMA, Dr Kiki Maoate e latou te teena malosi ia faamatalaga ua faaaogā tupe i se tulaga lē talafeagai.
Na ia ta’ua foi o le Moana Pasifika e lē nao se ‘aulakapi ae o se movement mo tagata Pasefika ma o le ‘aulakapi o loo faagaioia e ala i tupe maua mai faasalalauga faapisinisi o le taaloga aemaise le NZ Rugby, World Rugby, Sky tv ma le PMA.
Puna o Faamatalaga: https://www.rnz.co.nz/news/sport/565491/moana-pasifika-owners-deny-public-funding-has-gone-into-super-rugby-team
