I taaloga ua faailoa mai i le vaiaso nei o le ‘au a le Fijian Drua ma le Moana Pasifika e ta’i 7 a la taaloga (home games) o le a faia i o latou malae i le taamilosaga o le Super Rugby Pacific o le tausaga fou 2026.
O lona uiga mo le Fijian Drua o le a 7 taaloga e faia i Fiti aemaise i le malae i Lautoka ma le isi stadium fou ua feta’ua’ina.
O se tala fiafia lea mo le ‘au auā o le a mafai foi ona to’atele tagata Fiti e maimoaina le taaloga auā o le a faia i fanua.
Mo le Moana, o le malae i North Harbour o le a faatino ai a latou taaloga ia ae muamua lava i le la fetauiga ma le Drua e faia i Fiti, lea fai mai le faia’oga o le Moana, Faalogo Tana Umaga, o se taaloga faapitoa ma o se tasi o nofoaga faigatā e taaalo ai ae ua nofo sauni iai faapea foi i le isi a latou taaloga e faia i Tonga.
O le Moana sa faatulaga i ‘au e 8 pito i luga o le 2025 ina ua faia’ina ai le Waratahs a Ausetalia, le Drua, Blues, Crusaders, Hurricanes ma le Highlanders.
Ua faailoa e le leitio faavaomalo a Niu Sila o le tausaga fou e atoa iai le 30 tausaga talu ona faagasolo le taamilosaga o le Super Rugby.
Puna o Faamatalaga: https://www.rnz.co.nz/international/pacific-news/571793/super-rugby-2026-drua-and-moana-pasifika-get-seven-home-matches-each
