Ua faailoa e le RNZ o Toutai Kefu lea ua filifilia e avea ma faia’oga o le First Nations and Pasifika XV ma ua ia faaailoa nisi o tama taaalo o loo mana’o e faataaalo i lana ‘au e fetaui ma le Liona a Peretania ma Aialani i lana malaga taamilo mai i Ausetalia i le tausaga nei.

O le alii taalo o le tausaga i le Super Rugby, Ardie Savea o loo mana’o Kefu e faataalo i lana ‘au i le fetauiga ma le Liona i le aso 22 o Iulai peita’i o le vaitau tonu lea o loo iai le All Blacks i Farani mo ana taaloga, lona uiga e lē ono avanoa ane ai Savea.

O loo faatalia le faamautūina o le ‘au o faia’oga a le ‘au lea, ae fai mai Kefu e ono avanoa Ardie mo le AUNZ Invitational XV lea e faia’oga ulu ai Les Kiss ma faia’oga lagolago ai Ian Foster.

Puna o Faamatalaga: https://www.rnz.co.nz/news/sport/561523/rugby-first-nations-and-pasifika-coach-keen-on-ardie-savea-to-play-british-and-irish-lions