O le finagalo faaalia o le Palemia o le Atu Solomona o Jeremiah Manele ina ia aua ne’i valaauliaina atunuu e pei o Amerika, Saina ma Taiwan i le fonotaga a le Pacific Island Forum i Honiara i le masina fou, ua ioeina uma e sui o le fonotaga a minisita o le va i fafo a le Pasefika o loo faia i Fiti.
Faailoa i le RNZ o le faai’uga talu ai nei a le faigāmalo a le Atu Solomona ina ia toe tuu atu le talanoaga lea ma paaga a le Forum i le tausaga fou ua taliaina e minisita, ina ua mua’i faaalia lea finagalo i le fonotaga, ua ta’ua i le lipoti sa lagolagoina e Palau ma Samoa ae sa tetee iai Fiti, Ausetalia ma Niu Sila.
Faailoa e le sui failautusi o le Pacific Island Forum, Esala Nayasi, o faatalanoaga i Suva sa sologa lelei lava ma ua faamautinoa ai foi ma le tāua o le mafutaga a atunuu i le itulagi o le Pasefika ma e sili atu foi ona tāua le tutū faatasi ma le lotogatasi foi.
Puna o Faamatalaga: https://www.rnz.co.nz/international/pacific-news/570014/manele-wins-door-shut-on-pacific-islands-forum-partners-in-honiara
