Ua saunoa le Komesina o leoleo a Niu Sila i le Pacific Waves e na te malamalama lelei i aafiaga o pagota e tatala i tua ma toe tipoti atu i atunuu laiti o le Pasefika.
O ia faamatalaga e pei ona lipotia e le RNZ ua faia a o iai faauluuluga o auaunaga tau leoleo i le Pasefika i le latou fonotaga faaletausaga lea o loo usuia i Waitangi.
O le fonotaga na amata i le aso ananafi ma e lē o faatagaina ai le ‘aufaasalalau ae na faailoa e Richard Chambers, le Komesina mai Niu Sila ua ofo atu le latou lagolago i nai paaga, atunuu laiti o le Pasefika e fesoasoani ai i soligatulafono i atunuu ia aemaise lava i fefaataua’iga o nakoti.
O se lipoti i le 2022 i se su’esu’ega na faatino ai ua faailoa ai e 400 le au solitulafono na toe tipoti i o latou atunuu mai Niu Sila i le va o le 2013-2018 ma ua iloa ai foi o i latou ia, toe tipoti atu mai Niu Sila ma Ausetalia faapea ma Amerika, e tele foi so latou sao i soligatulafono ia faamauina mai le Pasefika.
Puna o Faamatalaga: https://www.rnz.co.nz/international/pacific-news/570593/nz-police-chief-acknowledges-impact-of-criminal-deportees-on-the-pacific
