Ua faailoa e le World Rugby se isi faatulagana fou o le a faia i le lakapi a tama’ita’i o le a sana una’ia atili ai le taaloga auā lona aga’i i luma.
O le system fou lea o le a faaaogā e pei ona lipotia e le RNZ o le a aofia ai ‘au e 18 aupito lelei a le lalolagi ma o le a faatulaga i taaloga e silia ma le 100 i le va o le 2026-2028.
O lona uiga o ‘au e 12 pito i luga, top 12 mai le Ipu o le Lalolagi i le tausaga nei i le itupa lava o tama’ita’i, o le a tauva i taaloga e feoa’i ai i isi nofoaga faapea foi home games.
O isi ‘au e i le tulaga 13-18 lea e aofia ai ma Fiti ma Samoa, o le a tausinio i se nofoaga lava se tasi i le 2026-2028 e faatupe e le World Rugby ina ia tagofia ai le tulaga o lu’itau tau tupe ma le lagolagosua i le faalauteleina o le taaloga.
Ua faailoa e le RNZ i le itupa o alii o Samoa o le a taaalo ma Chile i le la fetauiga mo le sa’ilia o avanoa i le Ipu o le Lalolagi 2027, o lea taaloga e faia i le taeao o le Aso Sa o lumana’i nei.
Puna o Faamatalaga: https://www.rnz.co.nz/international/pacific-news/573558/pasifika-sipoti-in-brief-for-19-september
