Ua iai lipoti ua ta’ua ai ua fuafua mai Isaraelu mo se faigamalaga aloa’ia mai i atunuu o le Pasefika.
I se pepa o faamatalaga ua tuuina e le ofisa o le va i fafo a Isaraelu i luga o le upega tafa’ilagi o le X ua faailoa ai e le minisita, Gideon Saar ua ia faatonu lona ofisa mo le faia o sea faigamalaga e faatalanoa ai ni avanoa e faamafana ai sootaga a Isaraelu ma le Pasefika i le tele o vaega.
Fai mai le latou faamatalaga e tāua tele le taula’i o le lagolago a Isaraelu i faavaa eseese faavaomalo ma e atagia foi ia lagolago i nofoaga ua iai nei ofisa o Isaraelu e pei o Ierusalema ma Papua Niu Kini foi i le 2023 ma nisi ua fuafua iai i le lumana’i.
E lē o ta’ua i le lipoti a le RNZ se faamatalaga mai atumotu o le Pasefika e tusa o lea folasaga a Isaraelu.
Puna o Faamatalaga: https://www.rnz.co.nz/international/pacific-news/570759/israel-announces-official-visit-to-pacific-region-to-broaden-partnerships
