Ua faailoa ni finagalo o ta’ita’i o le Pasefika e iai sootaga ma Amerika e faatatau i le osofa’iga a Amerika ia Iran ma ua faailoa i le RNZ e le Kovana o le Northern Marianas, Arnold Palacios o loo ia mata’itū ma le toto’a le matāupu lea faatasi ma paaga mai Amerika.

Saunoa foi le kovana o Guam, Lou Leo Guerrero e faapea o le taimi nei e lē o iai ni faamata’u i lo latou atumotu ma o le a faatino foi gaioiga uma i lona malosi e puipui ai Guam.

Ua ta’ua i le lipoti ua talosagaina nei e Iran le faia o se fonotaga faavavave a le komiti o puipuiga a Malo Aufaatasi ma ua o latou una’ia ai le Pulega ina ia tetee atu i le osofa’ia e Amerika o ona nofoaga niukilia.

O loo talia nei la le i’uga o sea fonotaga pe afai e faataunuuina.

Puna o Faamatalaga: https://www.rnz.co.nz/international/pacific-news/564873/leaders-in-us-affiliated-pacific-react-to-iran-strikes