O le failautusi o Malo Aufaatasi, Antonio Guterres o le a saunoa i le Palemene o Papua Niu Kini i le asō.
O loo iai Guterres i sana malaga aloa’ia mo le fā aso e faamae’a i le aso 5 o le masina nei.
Sa faia a la fonotaga ma le Palemia o le atunuu, James Marape i Port Moresby aemaise i le matāupu e faatatau ia Bougainville.
Saunoa ai le minisita o le va i fafo a Papua i le RNZ, Justin Tkatchenko e amana’ia e lo latou atunuu le matāfaioi a Malo Aufaatasi ma e faaauau foi ona iai le sao o Papua Niu Kini e lagolago ai le matāfaioi lea a Malo Aufaatasi aemaise i matāupu e pei o fesoasoani mo tagata, faatinoina o maliega e faatatau i le tulaga mativa, suiga o le tau aemaise o faama’i.
Puna o Faamatalaga: https://www.rnz.co.nz/international/pacific-news/571884/un-chief-to-address-the-png-parliament-today-during-historic-visit
