Ua taunuu i Suva i Fiti le Palemia o Papua Niu Kini, James Marape e auai i le fonotaga lona 23 a le Atu Melanisia, le Melanesian Spearhead Group Leaders Summit.(MSG).
O Fiti lea e ta’ita’ifono i le tausaga nei i lea fonotaga ma e omai faatasi ai ta’ita’i mai atunuu Melanisia e faatalanoa matāupu e pei o suiga o le tau, fefaataua’iga, puipuiga o le itulagi aemaise matāupu tau pulega.
O loo malaga faatasi atu le Palemia o Papua Niu Kini ma le minisita o a’oga a lo latou atunuu, Feo Kinoka.
Ua ta’ua e le RNZ o loo talitonuina e ono lotea ai foi e le Palemia o Papua Niu Kini le matāupu e faatatau i faatalanoaga ma le Peresetene o Farani, Emmanuel Macron e faatatau ia Niu Kaletonia ma le FLNKS le Kanak and Socialist National Liberation Front of New Caledonia lea ua avea nei ma sui o le MSG.
Puna o Faamatalaga: https://www.rnz.co.nz/international/pacific-news/564912/prime-minister-marape-reinforces-png-s-commitment-at-msg
