O le vaiaso fou lea ua fuafua e taunuu ai i Papua Niu Kini tuipuipui mo le faama’i o le polio e pei ona faamaonia mai e le minisita o le soifua mālōlōina a lea atunuu.
O le masina talu ai na folafola mai ai e le WHO le pepesi o le faama’i lea i Papua Niu Kini ma ua faamauina i itumalo e 11 o le atunuu.
Fai mai le matāgaluega o le soifua mālōlōina o le faamuamua o loo ave i le puipuia o le fanauiti mai le siama lea ma le pepesi atili ma o le va o le aso 16-20 o Iuni lea ua faatalitali ai tuipuipui e taunuu ane i le atunuu.
Fai mai e oo atu i le 88 miliona kina tutusa lea ma le 21.4 miliona tālā Amerika le tupe e alu ai.
Mo le taimi nei ua maua atu le 74 miliona kina mai ia Ausetalia ma le faigamalo a Papua Niu Kini lava ia ma ua valaau nei i faipule uma ia mautinoa e maua le lagolago i o latou itumalo ta’itasi e faasolo ai le faia o tuipuipui pe a taunuu mai ina ia maua se fesoasoani i le tuuitiitia ma le puipuia o tagata mai le pepesi atili o le polio aemaise lava i fanauiti.
Puna o Faamatalaga: https://www.rnz.co.nz/international/pacific-news/563527/polio-vaccines-set-to-arrive-in-png-next-week-says-health-minister
