Ua lipotia le faailoa atu e le Ekalesia Katoliko i Papua Niu Kini i le malo, e sese lo latou folafola o Papua Niu Kini o se atunuu Kerisiano.
Fai mai le RNZ o le amataga o le tausaga na pasia ai e le Palemene a PNG se teuteuga i le faavae sa amana’ia ai o Papua Niu Kini o se atunuu Kerisiano.
Faailoa ai e le Palemia o le atunuu, James Marape lona fiafia e vaaia ua tusia ia faamatalaga i le faavae o le atunuu.
Peita’i ua lipotia i le Post Courier se finagalo o le Archbishop poo le Akiepikopō, Rochal Tamutai ua lapata’ia ane ai o lea tulaga ua faamata’u ai le sa’olotoga o le faavae ma lamatia ai le lumana’i o le atunuu.
Na ia faailoa ai i se komiti filifilia a le Palemene o le faaupuga lea o PNG o se atunuu Kerisiano e lē o lagolago e le tulafono ma e lē ioeina foi e le Ekalesia Katoliko le gaioiga a le malo.
Fai mai le Akiepikopō afai e folafola atu o PNG o se atunuu Kerisiano, o ai la e ana le faauigaina o le upu Kerisiano o loo fua aga’i iai auā e lē tutusa tagata uma?
Afai o PNG o se atunuu Kerisiano lona uiga e mafai ona savavali ane leoleo i totonu o nuu ma fai i tagata e lē na o le agasala lou lē alu i le lotu ae e solitulafono foi ma e ono pu’eina ai oe e leoleo.
Puna o Faamatalaga: https://www.rnz.co.nz/international/pacific-news/565947/catholic-church-voices-opposition-to-png-s-christian-nation-declaration
