Ua amata aloa’ia nei taaloga laiti a le Pasefika poo le Pacific Mini Games 2025 i Palau ma o le laumua o Koror na faataunuu ai le sauniga amata.
O le Peresetene o Palau, Surangel Whipps Jr na faafeiloa’ia le aumalaga o tagata taaalo o le Pasefika ma amata aloa’ia ai loa lea faamoemoe.
Saunoa le Peresetene o le Pulega o taaloga a le Pasefika, Vidya Larkhan o taaloga ia e laki le Pasefika e faaauau pea e ui o loo iai vaega o le lalolagi e lē o mafai ona faataunuu ai ni faamoemoega faapea ona o loo mafatia i vesiga.
Ua faailoa toeitiiti 2 afe tagata taaalo ma sui o ‘aumalaga mai atunuu o le Pasefika o loo auai ai i ia taaloga.
O le siitia faatasi ae poo le rise together o loo faaautū ai ia taaloga.
Puna o Faamatalaga: https://www.rnz.co.nz/international/pacific-news/565508/rise-together-2025-pacific-mini-games-officially-underway
