Lipoti mai taaloga laiti a le Pasefika i Palau ua faailoa mai i le asō le maua o le pine auro muamua a le atunuu o Tahiti i tuugavaa a le itupa o alii.
E mae’a ane le aso muamua o tausinioga ua 18 pine a Tahiti ma o loo tulaga muamua ai i le faasologa o atunuu ma a latou pine ua maua.
E 9 auro, 7 siliva ma le lua apa memea e pei ona lipotia e le leitio faavaomalo a Niu Sila.
O Fiti na maua le pine apa memea i tuugavaa lava ae o le Marshall Islands ma le Northern Marianas na faamanuiaina foi le taumafai i pine auro.
O Samoa na maua le ulua’i auro i le tama’ita’i o Anne Cairns i alogavaa lava.
O Palau na maua pine auro ma le siliva ae o Papua Niu Kini na faamauina le mālō i le itupa o alii i le volipolo.
O Samoa e mae’a le aso muamua o taaloga ua tolu ana pine auro mai le tama’ita’i o Anne faapea Shane Palemia ma Ekitoa Tamati mai le ‘aupii, wrestlers.
O loo faaauau taaloga i le aso.
Puna o Faamatalaga: https://www.rnz.co.nz/international/pacific-news/565584/taputu-claims-2025-pacific-mini-games-first-gold-medal-as-tahiti-dominates-opening-day
