O se ‘au poo le team a leoleo mai le faaitulagi o le Pasefika o loo iai Palau, o le a aga’i ane e fesoasoani i leoleo a le atunuu i le taimi o taaloga laiti a le Pasefika le Mini Games lea e faia i Palau e amata i le aso 29 o le masina nei.
Ua faailoa e le RNZ i lana lipoti se faamatalaga fai ane e le Peresetene o le atunuu o Surangel Whipps Jr e faapea ua nofo sauni ma le naunau ona tagata e talimalo i lea faamoemoe.
O loo iai foi lipoti o loo ta’ua ai o loo sauni Palau e sainia se maliega i le vaiaso nei ma se tasi o auaunaga i le Pasefika e aofia ai sui e silia ma le 10 o atumotu o le Pasefika lea o le a maua ane ai foi le fesoasoani tau le puipuiga mo Palau i le taimi o ia taaloga.
Ua feta’ua’ina foi ma le faaopoopo o faigāmalaga a vaalele i le taimi lea ma pe ā ma le 1700 le autaaalo o le a auai i ia taaloga mai le aso 29 o Iuni i le aso 9 o Iulai.
Puna o Faamatalaga: https://www.rnz.co.nz/international/pacific-news/563612/security-support-for-mini-games-as-team-palau-confirmed
