Molimau le Peresetene o Palau, Surangel Whipps Jr  e moni e umi ma tele lu’itau o le talimalo i taaloga laiti o le Pasefika ae e tulaga ese foi lagona o le faamalieina mai lea faamoemoe.

O le faalua ai lea ona talimalo Palau i taaloga ia talu mai le 2005 ma o le taligamalo i le tausaga nei ua faailoa ai le agaga fiafia o le alii peresetene aemaise i le toatele o le au taaalo ua paau atu.

Na ia ta’ua le agaga fia tauva o loo iai i le au taaalo uma peitai e laualuga ai aga faa pasefika, tutū faatasi ma le mitamita.Ua lamalama faaiu taaloga ae fai mai le peresetene ua amata foi talanoaga mo le agai i luma o nei taaloga aemaise foi lona atunuu ma le faamoemoe ia faaopoopo nisi faigamalaga i lona atunuu i le lumanai mo nisi faamoemoega tetele i le agai i luma.

Fai mai Whipps Jr o tatou e tasi le vasa, tasi le Pasefika. 

Puna o Faamatalaga: https://www.rnz.co.nz/international/pacific-news/566372/palau-president-on-pacific-mini-games-it-is-all-about-lifting-each-other-up