Fai mai le Peresetene o Palau o Surangel Whipps Jr o nisi taimi e faatulaga Palau i le vaega o atunuu e maualuluga tupe maua ona e fua i lana GDP poo oloa gaosi ma auaunaga faatino i le atunuu.

O lana faamatalaga na faia i le Global Platform for Disaster Risk Reduction na faia i Genva i Switzerland i le vaiaso talu ai.

Fai mai le Peresetene e lē o iai le sa’o i lea faatulagana ona o loo soifua le to’atele o o latou tagata i le tulaga mativa e fua i tupe maua.

E faateteleina lea tulaga ona o aafiaga o le tau ma faalavelave tutupu faalenatura.

Sa saunoa foi le alii Peresetene i aafiaga o le tau i lona atunuu ma ia faailoa ai o le autū o le faamoemoe na auai ai o le Everyday counts, lona uiga e soifua lava mo le asō ma e talafeagai tonu lava lea ma lona atunuu o Palau.

Puna o Faamatalaga: https://www.rnz.co.nz/international/pacific-news/564038/palau-s-president-says-new-index-should-be-used-to-classify-economic-position