O tau fou o suāuu ma penisinisi i Samoa mo lenei masina fou o Setema ua faailoa ai e le Minisita o Tupe o le malo tausi le pa’ū o le tau o le penisinisi ma le kalasini ae siitia le tau o le kiso poo le diesel.
E ui ina iai ni suiga i tau o lea oloa mana’omia e le lalolagi ae ua faailoa e le Minisita o Tupe o le malo tausi le afioga Lautimuia Afoa Uelese Vaai i se pepa o faasalalauga faalaua’itele mai le matāgaluega o tupe a le malo, o le a aafia pea le tau o suāuu e le’i faamamāina ma suāuu ua mae’a ona faamamā e afua atu i feseesea’iga i totonu o le atunuu o Ukraine ma Sasa’e Tutotonu.
O tau fou o nei oloa mo le masina lona iva o lenei tausaga 2025 o le penisini ua 2 tālā 99 sene i le lita ae o le tau sa iai i le masina o Aokuso sa 3 tālā 02 sene.
O le kiso ua 3 tālā 16 sene i le lita pe a faatusa i le tau o Aokuso sa 3 tālā 11 sene i le lita.
I le ma le kalasini o lona tau fou e 2 tālā 66 sene.
O lona tau ia Aokuso sa 2 tālā 69 sene i le lita.
