E silia ma le 200 pagota ua sosola ese mai se falepuipui i Pakistan i le mae’a o se mafui’e na lūlū ai i le faaitu o loo iai le falepuipui.
Ta’ua mai e faitau afe pagota na o latou faaleaga loka o faitoto’a o le falepuipui ma o latou sela, faaleaga ma faamalama ina ua o latou faalogoina le lūlū malosi o le mafui’e i Malir Jail i Karachi.
Fai mai leoleo mai le to’atele lea na sosola e to’a 80 na toe maua ma o loo faaauau pea sa’iliga mo le isi 130 ma ona tupu ae to’atasi le pagota ua maliu ma le to’alua o leoleo falepuipui o loo manunu’a ai i lea matāupu.
O le faamatalaga a leoleo o le to’atele na toe foi ane i o latou sela ina ua faapāpā fana a leoleo i le ea ae o isi e pei ona ta’ua ua faaaogā le avanoa lea e sosola ese ai mai le falepuipui.
Fai mai o le falepuipui lona lua le telē lea i lea itumalo.
Puna o Faamatalaga: https://www.bbc.com/news/articles/cwyvwv0e55po
