Ua faatū e Pakistan le suafa o Donald Trump e tatau ona ia mauaina le faailoga taualoa, le Nobel Peace Prize ona o lona sao i faiga faai’uga ma upufai o malo aemaise i le mae’a o le vevesi i le va o Initia ma Pakistan i le amataga o le tausaga nei.

Ua faailoa i le lipoti a le CNN le vivii e le faigamalo a Pakistan o Trump i lana ta’ita’iga aemaise i le matāupu i le va o New Delhi ma Islamabad lea na fesoasoani ai Amerika i le maliega ua taatia ai nei lea matāupu ma taofia ai fetauiga.

O se faamatalaga tusitusia a le faigamalo a Pakistan ua faamanino ai tulaga uma e tatau ai ona tuuina lea faailoga taualoa i le alii Peresetene o Amerika.

E mafai e faigamalo, ma is auaunaga aemaise foi i tagata ta’ito’atasi ona faatū se suafa o se tagata o loo soifua poo se faalapotopotoga foi i le sa’iliga o lē e faamanuiaina i le faailoga lea e faia i tausaga ta’itasi.

Puna o Faamatalaga: https://edition.cnn.com/2025/06/21/asia/pakistan-trump-nobel-peace-prize-nomination-intl