O le lola palota autū lea ua maopoopo nei ma o le a faaaogā i le faigāpalota a le atunuu i le Aso Lulu ma le Aso Faraile o le vaiaso a sau, e ono itumalo e lē oo i se afe le aofa’iga o tagata palota.
E tolu itumalo i Savaii ma Upolu ua faamauina i le lola palota autū lea tulaga, ma ua aofia ai itumalo o Falealili 2 e 961 tagata palota, itumalo o Lepa e 870 tagata palota, itumalo o Aleipata Itupa o Luga e 831 tagata palota, itumalo o Gagaifomauga 1 e 998 tagata palota, itumalo o Falealupo e 844 tagata palota, ma le itumalo o Salega 2 e 804 tagata palota.
O le itumalo pito to’atele tagata palota o Faleata 1 e 5,182.
O le motu o Upolu i itumalo palota e 31 o le aofa’iga atoa o tagata palota ua faamauina i le lola autū e 75,105 ae mo itumalo palota e 20 i Savaii ua faamauina ai le aofa’iga e 26,876 tagata palota.
O le aofa’iga atoa o tagata palota e 101,981.
