E lima sui tauva faaolioli o le vaega faaupufai o le Samoa Labour Party o le a finau i nofoa o itumalo i le motu o Upolu ae tasi lo latou sui tauva faaolioli o le a finau mai i le motu o Savaii.
Ua faailoa i auala o fesoota’iga televavave a lea patī faaupufai ona sui e to’aono e aofia ai tama’ita’i e to’alua ma tamalii e to’afā.
O le afioga Alaifea La’ititi Belford Su’a o le sui tauva tama’ita’i o le Samoa Labour Party i le itumalo faapalota o Falealili 2.
O le afioga Toleafoa Losalia Sagalala Niumata o le sui tauva tama’ita’i mo le itumalo faapalota o Safata 2.
O le susuga Su’a Tanielu Su’a o le a tauva mo le nofoa o le itumalo faapalota o Lefaga ma Faleaseela.
O le afioga Tuala Tele’a Lili’i o le a tauva mo le nofoa o le itumalo faapalota o Sagaga 3.
O le afioga Faaolesa Katopau Ainu’u o le a finau i le nofoa o le itumalo faapalota o Vaimauga 4, ma le afioga Sooalo Feo Umi Mene Siaosi o le a tauva mo le nofoa faapalota o Gagaifomauga 2.
