Ua saunoa le faauluuluga o matāupu tau militeli i totonu o le Northern Marianas, Edward Camacho i le RNZ e faapea, e ui o loo iai popolega i matāupu e aofia ai le polokiki i totonu o le atunuu ae o le faamata’u aupito tele o loo feagai ai ma le atunuu, e aofia ai lona si’osi’omaga.
Ta’ua e Camacho o loo tumau pea le faamata’u lea i tulaga faalenatura e aofia ai malosi’aga e pei o matagi malolosi, typhoons, galulolo, mafui’e aemaise maugamu ma isi.
Fai mai a ia o le Commonwealth Bureau of Military affairs a lona atunuu lea o loo faauluulu ia te ia, e tāua lana galuega e fai i le tulaga tau le puipuiga mai faalavelave faalenatura faapea ae e lē o iai se fuafuaga mo le faatumau ai o lea auaunaga i le Northern Marianas se’i vaganā le faiga faasolosolo o toleniga ma e mana’omia e le militeli a Amerika nofoaga e faia ai ana toleniga e lē gata i le fogaeleele, o le ea faapea foi ma le sami.
Fai mai a ia e ao ona manatua e tagata o le auaunaga faamiliteli e lē mo na o taimi e siisii ai le tai i upufai o malo ae o le sauniuni foi i le taimi o faalavelave faalenatura ma galuega lavea’i e tāua le tutupu mai ae o loo lava tapena.
Puna o Faamatalaga: https://www.rnz.co.nz/international/pacific-news/563597/nature-not-geopolitics-remains-region-s-biggest-threat-cnmi-official
