Matua’i faailoa le lē fiafia o tagata o loo aumau i Norfolk Island ona e oo mai i le taimi nei e lē o ola lava le numera telefoni 000 e valaau ai tagata mo fesoasoani faavavave.
Fai mai na amata faaletonu mai lava i le amataga o Me ae le’i toe faaleleia lava.
Faailoa e le sui pule o le Norfolk Island, Council Philip Reid e lē o iai se faagasologa poo afea o le a toe ola ai lea numera telefoni ma o loo galulue ai nei inisinia.
O Norfolk Island o se teritori o Ausetalia o loo i le va ma Niu Kaletonia ma Niu Sila e lua ma le ‘afa itula e faimalaga atu ai mai Aukilani i Norfolk Island i le vaalele.
O le lē fiafia o tagata lautele ona o le umi e lē toe faaleleia le faaletonu ae atili ai ona lē fiafia ona afai e tutupu ni faalavelave faafuase’i e mana’omia ai le fesoasoani faavavave o lona uiga o le a leai se fesoasoani vave e maua.
Ua ta’ua e le leitio faavaomalo a Niu Sila, e iai isi numera o loo send solo i txts e valaau iai mo se fesoasoani pe a mana’omia mo le taimi nei a o tālia ai pea le faaleleia o le emergency number a le atunuu le 000.
Puna o Faamatalaga: https://www.rnz.co.nz/international/pacific-news/564564/what-s-going-on-norfolk-island-emergency-number-down-since-may
