O le 51 o nofoa ua faamautū nei i le mae’a o le faitauga aloa’ia, e to’alima tama’ita’i ua manumālō mai ai, peita’i e iai le nofoa faaopoopo e maua ai le aofa’iga atoa e 52 o nofoa o le paea’iga fou a le Palemene, ona e to’atasi se tama’ita’i o le a filifilia mai le aiaiga o le 10 pasene ina ia atoa ai le 6 o nofoa o tinā ma tama’ita’i.
– Palauli 1
O le a faatalitali pe iai ni tagi o le faigāpalota e māfua i ni tuua’iga o faatosina solitulafono.
Afai ae iai ma iloa ai i ni faai’uga pe fai ni palota laiti, ona faato’ā galulue lea o le Komesina ma le ofisa o le komisi o faigāpalota e sa’ili se sui tauva tama’ita’i e to’atasi e ausia e le aofa’iga o ana palota le 10 pasene.
O le sui tauva tama’ita’i e ausia o ia lena o le a maua ai le to’aono o sui faipule tama’ita’i o le paea’iga lona 18 a le Palemene ma maua ai le aofa’iga atoa o nofoa o le paea’iga fou e 52.
O le taimi nei e lē o iloa poo fea o vaega faaupufai o le a ia maua le nofoa faaopoopo o tinā ma tama’ita’i.
