Ua saunoa se sooupu mai le matāgaluega o le va i fafo a Niu Sila, e ono fesoasoani le atunuu i tagata Pasefika o loo i Sasae Tutotonu pe afai e mafai.
Ua faailoa e le RNZ o loo iai le vaalele a le Ea Fosi a Niu Sila o loo fuafua mo Sasae Tutotonu e fesoasoani i nisi o tagata Niu Sila o loo poloka i Iran ma Isaraelu ma ua faailoa ai la e le sooupu lea, o loo galulue nei Niu Sila ma isi atunuu o loo fai paaga e tuufaatasi lenei fesoasoani ma isi gaioiga mai auaunaga a ofisa o le konesula.
Faailoa ai la e le matāgaluega o le va i fafo e tāua le faamauina o tagatānuu o le Atu Kuki, Toelau ma Niue e iai a latou aiā tatau o sitiseni Niu Sila ma afai o loo iai ni tagata mai ia atumotu i Iran poo Isaraelu, e una’ia la ia mulimulita’i i faatonuga mai le ofisa o le va i fafo pe afai e saogalemu pe a faatino ia fautuaga ma ua faamatuu ane foi ma le numera o le telefoni e fesoota’i ai.
Puna o Faamatalaga: https://www.rnz.co.nz/international/pacific-news/564888/nz-may-help-pacific-islanders-in-the-middle-east-where-feasible-says-peters-spokesperson
