Ua una’ia e se tasi mai le auaunaga tau le soifua mālōlōina tagata uma ina ia faia tuipuipui ina ia faatumauina ai le saogalemu i aiga.

O loo iai se lapata’iga mo le misela ina ua faamauina se tasi ua aafia ai i Aukilani i le faai’uga o le vaiaso.

Ua tuuina ai se lapata’iga lea mai le auaunaga o le soifua mālōlōina lautele ua ta’ua ai o se tagata faigaluega i se vaa lea na aafia i le misela.

Na saunoa Dr Api Talemaitoga o tagata i komiuniti a le Pasefika o loo matua’i aupito faigofie ona aafia ona o le maualalo o le numera o i latou ia ua  faia tuipuipui o le misela.

Ua faailoa e le foma’i ina ia taofia le pepesi o le misela e tatau ona oo i le 95 pasene o le faitau aofia o tagata e faia tuipuipui.

O i latou foi ua aafia e tatau ona faanofoesea ma aua le auai atu i galuega ma a’oga.

Puna o Faamatalaga: https://www.rnz.co.nz/international/pacific-news/560813/pacific-health-expert-says-auckland-measles-case-is-a-red-flag