O le a’oga fou faafoma’i e faatūina i le Iunivesite o Waikato le NZ Graduate School of Medicine o le a latou lē faatinoina se vaega faapitoa mo tamaiti a’oga o le Pasefika e pei ona faamaonia mai e le Minisita mo Tagata Pasefika, Dr Shane Reti ma sa lipotia i le RNZ.
Peita’i ua ia ta’ua o le a’oga lea o le a amataina i le 2028 o le a ave ai le faamuamua i nai komiuniti e lē o to’atele ni o latou tagata o auai ai.
I se faatalanoaga ma le Pacific Mornings na ta’ua ai e Reti o le tulaga lea o le a iai.
Ua faia ia faamatalaga i le mae’a ona folasia e le malo o lea a’oga fou i le Iunivesite o Waikato.
O le a’oga faafoma’i lona tolu lea i le atunuu ma o le a mauaina le 82.85 miliona mo le faatupeina mai le malo ae faapea foi le 150 miliona mai le iunivesite faapea ma donations.
Puna o Faamatalaga: https://www.rnz.co.nz/international/pacific-news/568434/dr-shane-reti-no-quotas-for-pacific-students-at-new-medical-school
