O se tasi o alo o Samoa ma o se ta’ita’i foi o komiuniti i Niu Sila, Fauono Ken Laban lea ua lipotia i le RNZ ua aloa’ia le folasia o le faatūina o lona suafa mo le Pulenuu o Lower Hutt, ma o le ulua’i sui faatū lea mai le Pasefika ua tauva i lea avanoa.

O lana folafolaga e mana’o e tuufaatasi le aai ma toe faatulaga lelei pulega ma mea e ave iai le faamuamua.

O Fauono ua lausilafia i lona tomai tau faasalalau ma sa avea foi ma malu o le malo ma o se tasi o ta’ita’i o le komiuniti i lea faaitu.

Na ia ta’ua i le lipoti lea a le RNZ e iai lona tomai i matāupu tau taaloga aemaise o auaunaga tau leoleo ma auaunaga i le komiuniti ma na te silafia lelei mea e mana’omia mo le fausia o se ‘au poo se team lelei e maua ai foi ni faai’uga lelei.

O nisi o fuafuaga i lana visiona e aofia ai le galulue faapaaga ma le mana whenua, lagolago le faatumauina o Maori Wards ma ia ave le faamuamua i sootaga malolosi faalotoifale ma ia faaleleia le saogalemu o tagata.

Puna o Faamatalaga: https://www.rnz.co.nz/international/pacific-news/565619/fauono-ken-laban-first-pacific-candidate-for-lower-hutt-mayoralty