Ua lipotia e le leitio faavaomalo a Niu Sila i le asō ua taofia lē tumau e le faigāmalo a Niu Sila le amana’iaina o nisi o international adoptions poo vaetama faavaomalo sa faia e aofia ai ma matāupu mai Samoa.
Ua ta’ua i le lipoti e māfua ona o popolega i le sauāina o tamaiti e aofia i ia fuafuaga.
O le faamasino lagolago o loo feagai ma le matāupu lenei o Nicole McKee ua ia faaalia i le lipoti, o loo iai galuega o loo faatino i le taimi nei ma Samoa e tagofia ai matāupu faapea ma se’i vaganā ua faamautū puipuiga talafeagai, o le a taofia lē tumau pea mo le taimi nei le toe faia o adoptions.
Faailoa e le faamasino e oo i le afe tamaiti e vaetamaina faavaomalo i le tausaga ma e lē mailoa pe to’afia o i latou ia e feagai ma sauāga i nofoaga o loo aumau ai.
O le teuteuga lea i le pili le Adoption Amendment Bill na folasia i le Palemene i le Aso Lua o le vaiaso nei ma pasia ai ma e amata faamamalu suiga i le vaiaso nei se’ia toe iai se aso e logoina ane e le Kovana pe se’i oo lava foi ia Iulai o le 2027.
Puna o Faamatalaga: https://www.rnz.co.nz/international/pacific-news/573312/new-zealand-tightens-international-adoptions-samoa-most-affected
