E fā tausaga talu lana taaloga mulimuli mo le Black Caps ae o lea ua faailoa e le alii taalo o Luteru Ross Poutoa Lote Taylor o le a ia fesoasoani i le atunuu na soifua ane ai si ona tinā ina ia maua so latou avanoa i le Ipu o le Lalolagi i le taaloga o le kilikiti, le T20 i le tausaga fou.
O Taylor e aupito tele atu ana taaloga mo Niu Sila i le faagatama lea nai lo se isi tama taalo o le kilikiti ma o lona talitonuga pei ona faailoa e le leitio faavaomalo a Niu Sila, e tatau ona iai sona sao i le kilikiti a Samoa.
O le faia’oga o le ‘au a Samoa o le uo a le alii o Ross, o Tarun Nethula sa taalo foi i le Black Caps i le 2012 ma o ia lea sa mana’o e auai ai Ross i le ‘au lea foi e iai ma Sean Solia.
Ua mafai ona faatino e Ross le gaioiga lea ina ua agavaa e fai ma sui o Samoa i le masina o Aperila o le tausaga nei ona sa mana’omia se taimi e faatali ai faato’ā mafai ona avea o se sui o se isi ‘au o le a aofia i le taamilosaga.
O le faai’uga o le masina nei e auai atu ai Ross Taylor i le camp ma le ‘aukilikiti a Samoa.
Lea ua fuafua e auai i le Asia Pacific qualifying series i Oman i le masina o Oketopa.
Puna o Faamatalaga: https://www.rnz.co.nz/news/sport/572195/cricket-ross-taylor-switches-to-samoa-ahead-of-t20-world-cup
