O se a’oga i Aukilani i Saute lea ua faailoa i le RNZ ua toe faaauau vasega i le mae’a o se taimi na tapunia ai ona o ni tagata matutua na ulufale atu i le lotoā o le a’oga i le asō.
O le Kolisi o Aorere i Papatoetoe ua o latou faailoa i mātua i luga o le social media na tapunia le a’oga ona o nisi na aga’i atu peita’i sa toe aveesea mai ma ua mae’a soalaupule le matāupu.
I se pepa o faamatalaga mai leoleo ua ta’ua ai sa valaau ane latou i le matāupu lea i le te’a laitiiti o le 11 i le taeao ona o lipoti o se kulupu o loo taumafai e ulufale i le lotoā a le a’oga.
Ta’ua e leoleo sa iai lava i le a’oga se’ia oo ina toe lifi le lockdown ma o loo saogalemu uma le a’oga.
E lē o ta’ua i le lipoti poo ai le kulupu na aga’i atu ae pe aisea foi.
Puna o Faamatalaga: https://www.rnz.co.nz/news/national/569614/south-auckland-school-locked-down-after-adults-enter-grounds
