E lua vaalele tetele a le Ea Fosi a Amerika o le a tulaueleele i le malae vaalele i Whenuapai i se taimi e lē o toe mamao o loo kiliva mai ai ni uta faapitoa.
Fai mai le RNZ o vaalele ia o le ituaiga A.C 5M Super Galaxy e taunuu i le vaiaso nei e kiliva mai ai vaega mo se isi vaalele o le 130j Hercules.
Fai mai o Tesema o le tausaga talu ai na taunuu mai ai le vaalele mulimuli o vaalele e 5 ia e ta’ua o le C -130j Hercules i Niu Sila e suia ai isi vaalele faapea sa faaaogā e le Royal NZ Air Force mo le 60 tausaga.
O le simulator la lea e aumai e vaalele ia e lua e taunuu i le vaiaso nei o le a fesoasoani i le toleniga o le aufaigaluega i le faafoeina o vaalele fou ina ia saogalemu ma ia faamautinoa foi se avanoa mo toleniga a pailate.
O le poloketi lea o loo galulue ai le matāgaluega o le puipuiga a Niu Sila faatasi ma le Ea Fosi a Amerika, le kamupani Kanata o loo aumaia masini ia ma ua fuafua e tatau ona amata faaaogā ia faiga fou faatekonolosi i Niu Sila i le tausaga fou.
Puna o Faamatalaga: https://www.rnz.co.nz/news/national/570495/two-of-us-air-force-s-largest-planes-set-for-special-cargo-delivery-in-auckland
