O se suiga i le tulafono o Femalagaa’iga o le a mafai ai ona tipoti le ‘ausolitulafono pe afai ua oo i le 20 tausaga o nofomau ma o loo aga’i sa’o lea suiga ia i latou na faatinoina soligatulafono ogaoga.
Ua saunoa ai le minisita o le Femalagaa’iga a Niu Sila i le lipoti a le RNZ, o le faalauiloa o le gaioiga lea o le a faia faatasi ma isi suiga i le Tulafono o Femalagaa’iga.
O lona uiga o isi solitulafono e aofia ai le tuuina o faamatalaga sese ma taufaasese a o le’i malaga ane i Niu Sila o le a mafai ai foi ona toe tipoti ese ma le atunuu.
O faasalaga foi mo i latou e malaga ane i le atunuu ae solia le tulafono o le a siitia mai le 7 tausaga i le 10 tausaga i le falepuipui.
O faamaumauga ua faalauiloa aloa’ia i le vaiaso nei ua iloa ai e 20,980 tagata o loo i Niu Sila ua ova aso o o latou visa.
Ua faailoa ai foi o Tonga, Saina, Amerika, Samoa ma Initia o loo i atunuu e 5 pito i luga e aupito to’atele o latou tagata overstayers i Niu Sila.
Puna o Faamatalaga: https://www.rnz.co.nz/news/political/572046/deporting-criminals-set-to-get-easier-under-law-change
