Ua faaopoopo atu nei Niu Sila i isi paaga faavaomalo o loo galulue faatasi mo ni ta’iala ma puipuiga i osofa’iga i luga o upega tafa’ilagi lea e ta’ua e iai sootaga ia Saina.
Faailoa e le RNZ o le National Cyber Security Centre lea e i totonu o le Government Security Bureau ua o latou ta’ua o gaioiga ia e faaigoa o le Salt Typhoon, ua vaaia i nisi atunuu e pei o Niu Sila.
O lamatiaga e aofia ai auaunaga tau fesoota’iga, feoa’iga a le malo aemaise o sootaga tau militeli.
O nisi lipoti mai le Wall Street Journal ua ta’ua ai e mafai ai foi ona mauaina e i latou ia faamaumauga o tagata ma fesoota’iga faalilolilo, faamatalaga ma’ale’ale aemaise faamatalaga i sootaga i masini faaonaponei.
O le lapata’iga la ua galulue faatasi ai ofisa mai le malo tele o Amerika, UK, Ausetalia, Iapani, Kanata, Finland, Czech Republic, Siamani, Italia, Netherlands, Polani ma Spain.
Ua ta’ua e le RNZ ua mae’a fesoota’i i le ofisa o Saina i Niu Sila mo se faamatalaga i lea matāupu.
Puna o Faamatalaga: https://www.rnz.co.nz/news/political/571384/new-zealand-joins-international-partners-in-countering-china-linked-cyber-attacks
