Ua ta’ua i lipoti a le RNZ le faamalosia o le suia e le faia’oga o le All Blacks, Scott Barrett o le kapeteni o lana ‘au mo le taaloga i le faai’uga o le vaiaso nei e taaalo ai ma le Wallabies i le fetauiga muamua o le Bledisloe Cup.
O le alii o Scott Barret ua faamālōlō ona o manu’aga i lona tau’au ae ua fili ai Ardie Savea e kapeteniina le ‘au.
O Cam Roigard ua see ane i le ‘afa ae faaleoleo Cortez Ratima.
Toe foi ane foi Patrick Tuipulotu i le faaleoleo ae amata Fabian Holland i le loka.
O lona uiga e lē o iai se suiga i le laina i luma o Savea, Wallace Sititi ma Simon Parker.
O le isi suiga i le laina i tua o le alii o Caleb Clarke i le uigi agavale ae o Leroy Carter i le taumatau.
O Will Jordan i le fulupeki.
Tumau pea Billy Proctor i le centre, Ethan de Groot i le lusi ae faaleoleo Tamaiti Williams.
O Tyrel Lomax i le tighthead faapea Cody Taylor.
Ta’ua i le lipoti o se taimi o le aoauli o le asō o le a faalauiloa ai e Joe Schmidt, le faia’oga o le Wallabies, lana ‘au.
Puna o Faamatalaga: https://www.rnz.co.nz/news/sport/574082/scott-barrett-out-for-bledisloe-cup-opener-ardie-savea-takes-over-as-all-blacks-captain
