E manatu le alii faatonu o le ata ua maimoaina e le to’atele ma fiafia iai, le ata faaigoaina, Tinā, e manatu Miki Magasiva, o le manuia ma le sologa lelei o le ata e afua mai i sootaga faaleaganuu.
Fai mai ua avea nei le ata Tinā ma ata lona lima aupito i manuia ma sologa lelei lona faatinoina i totonu o Niu Sila.
O le tama’ita’i e autū iai le ata, Anapela Polataivao o se alo foi o Samoa atoa ai ma isi o loo iai ua faailoa e le to’atele le ave iai o le faamalo i le latou foi taleni ma le faatinoina o lea ata.
Faailoa e le faatonu, Miki Magasiva e ui i le sao o le Pasefika i le ata ae o se tala e lautele ona aafiaga i isi foi tagata.
Ua mae’a faalauiloa le Tinā i atunuu e pei o Amerika, Ausetalia ma Samoa foi.
E manatu le alii faatonu talosia e mafai ona tutū faatasi tagata Pasefika i le latou foi matāfaioi ma lagolago le isi i le tasi auā e faigatā ona faamatala tala o le Pasefika ma tele foi lu’itau i le tuufaatasiga o ata, peita’i ana lē faatinoina foi ia galuega uma semanū e lē taunuu i le tulaga manuia ua iai nei.
Puna o Faamatalaga: https://www.rnz.co.nz/international/pacific-news/570059/tina-puts-pasifika-voices-front-and-centre-in-record-breaking-film
