O le vaiaso nei ua faimalaga ai le Palemia o Niu Sila i Saina e ui o loo fautuaina e nisi sa avea ma ta’ita’i o le atunuu ina ia toe tomānatu i lea faai’uga e pei ona faailoa i se lipoti a le leitio faavaomalo a Niu SIla.

O le malaga a le Palemia o Christopher Luxon e tolu aso i Shanghai ma Beijing ma ua ia faailoa i le lipoti o se taimi ma’ale’ale lenei ae e tāua tele i le silasila a Niu Sila le uia o ogasami talafeagai ina ia taunuu i se nofoaga lelei.

O le ulua’i malaga lea a le alii Palemia i Saina talu ona tula’i mai i le tofi ia Novema 2023.

Ua ta’ua e le RNZ o le amataga o le masina nei na faaoo ane ai se tusi mai sui faipulega ma ta’ita’i sa iai muamua i le Palemene o Niu Sila e aofia ai Helen Clark, Sir Geoffrey Palmer, Sir David Carter ma Don Brash, una’ia ai Luxon ia silasila i se isi itu e itiiiti mai ai se tetee faasaga ia Saina.

O loo malaga faatasi atu le alii Palemia ma sui e to’a 28 mai auaunaga faapisinisi, o le ‘aufaasalalau ma se kulupu kapa haka.

Puna o Faamatalaga: https://www.rnz.co.nz/news/political/564325/pm-christopher-luxon-shrugs-off-critics-as-he-heads-to-china